ظہران: خبر رساں ادارے رائٹرز کے مطابق سعودی عرب کی سرکاری تیل کمپنی آرامکو کے ہیڈکوارٹر کمپلیکس پر بیلسٹک میزائل گرا، جس کے نتیجے میں ایک دفتری عمارت کی اوپری تین منزلوں کو نقصان پہنچا اور عمارت میں آگ لگ گئی۔
رائٹرز نے کمپنی کے ایک ذریعے اور واقعے سے آگاہ دو دیگر افراد کے حوالے سے بتایا کہ میزائل کمپلیکس میں واقع ایک دفتری عمارت سے ٹکرایا، جس کے بعد عمارت میں آگ بھڑک اٹھی۔
آرامکو کے اس کمپلیکس میں کمپنی کا ایک اہم آپریشنز مرکز قائم ہے، جہاں سے تیل کے زمینی اور سمندری کنوؤں، پائپ لائنوں، ریفائنریوں اور تیل کی برآمدی تنصیبات کے وسیع نیٹ ورک کی نگرانی کی جاتی ہے۔
فراہم کردہ رپورٹ میں حملے کے نتیجے میں ممکنہ جانی نقصان اور مجموعی تباہی کی تفصیلات سامنے نہیں آئیں۔