نیویارک: امریکی ریاست پنسلوانیا کے شہر ایری میں فائرنگ کے ایک واقعے میں 9 افراد ہلاک ہوگئے، جبکہ مشتبہ حملہ آور بھی ہلاک پایا گیا۔
امریکی حکام کے مطابق فائرنگ کا واقعہ رات کے وقت پیش آیا۔ ابتدائی تحقیقات سے معلوم ہوا ہے کہ پولیس اہلکاروں کے جائے وقوعہ پر پہنچنے سے قبل ہی تمام ہلاکتیں ہوچکی تھیں۔
پولیس حکام کا کہنا ہے کہ مشتبہ حملہ آور کی موت بظاہر خود کو گولی مارنے کے نتیجے میں ہوئی۔ ایری پولیس چیف رک لوراہ نے واقعے کو شہر کے لیے غیر معمولی جانی نقصان اور تباہی کا باعث قرار دیا۔
پنسلوانیا کے گورنر جوش شاپیرو نے واقعے پر افسوس کا اظہار کرتے ہوئے بتایا کہ انہوں نے ایری کے میئر سے رابطہ کیا ہے اور ریاستی حکومت کی جانب سے مکمل تعاون کی پیشکش کی ہے۔
حکام کے مطابق واقعے کی تحقیقات جاری ہیں، تاہم فراہم کردہ معلومات میں فائرنگ کی وجوہات اور متاثرین کی شناخت سے متعلق تفصیلات سامنے نہیں آئیں۔